സ്മരണകൾ

ബന്ധങ്ങൾ തൻ നൂലിഴ പൊട്ടിച്ചെറിഞ്ഞെൻ
അന്തരംഗത്തെ ശുദ്ധീകരിക്കുവാൻ
അന്തരാത്മാവ് വ്യഥാ  ശ്രമിച്ചെങ്കിലും
അമ്പേ പരാജയപ്പെട്ടു പോയീലയോ

ആഴമാം ഗർത്തത്തിൽ പതിക്കുന്ന
നീർ കുമിളകൾ  പൊട്ടുന്നതു പോലെ
കാലചക്രത്തിൻ പ്രയാണത്തിൽ എവിടെയോ
നീ തൻ സ്മരണകൾ മാഞ്ഞു പോയിടട്ടെ

നീലിമ

നീയാം വാനത്തിൽ അലിഞ്ഞിരിക്കുന്നൊരു നീലിമയല്ലോ ഞാൻ
വാനമെത്ര വർണങ്ങളെ പുല്കിയാലും
വാനത്തിൻ വർണമെന്നാൽ നീലിമ എന്നത്രെ പുകൾ